ალბათ შეგიმჩნევია, რომ adidas-ის პროდუქტებს სხვადასხვა ლოგო აქვს. ბევრს ჰგონია, რომ ეს უბრალოდ დიზაინია, სინამდვილეში, თითოეული ლოგო კონკრეტულ მიმართულებას წარმოადგენს.
1. adidas Performance
სამი დახრილი ზოლი – ეს არის Performance-ის ლოგო.
ის შექმნილია სპორტისთვის და აერთიანებს ტექნოლოგიურ ფეხსაცმელს, ტანსაცმელსა და აქსესუარებს სირბილისთვის, ვარჯიშისთვის, ფეხბურთისთვის, კალათბურთისთვის, ჩოგბურთისთვის და სხვა სპორტული აქტივობებისთვის.
თუ შენი მიზანი მაქსიმალური კომფორტი და შედეგია, სწორედ Performance ხაზს უნდა მიაქციო ყურადღება.
2. adidas Originals
სამფოთოლა Trefoil-ის ლოგო adidas-ის ისტორიის სიმბოლოა.
Originals ორიგინალს სულაც არ ნიშნავს, ის აერთიანებს ბრენდის ყველაზე ცნობილ კლასიკურ მოდელებს, რომლებიც სპორტიდან ქუჩის მოდის ნაწილად გადაიქცა.
აქ შეხვდები ისეთ ლეგენდარულ სილუეტებს, როგორიცაა Samba, Gazelle, Campus, Superstar და Stan Smith.
3. adidas Sportswear
ეს შედარებით ახალი მიმართულებაა, რომელიც ყოველდღიურ კომფორტსა და სპორტულ სტილს აერთიანებს.
იდეალურია მათთვის, ვისაც სპორტული შეგრძნება ყოველდღიურ ცხოვრებაშიც სურს.
Adidas-ის განსაკუთრებული კოლექციები
ძირითად ხაზებთან ერთად, adidas მრავალი მიმართულებით ავითარებს პროდუქციას. ბრენდი თანამშრომლობს მსოფლიოში ცნობილ დიზაინერებთან, სპორტსმენებთან და სხვა შემოქმედებით პარტნიორებთან, რის შედეგადაც იქმნება უნიკალური კოლექციები, რომლებიც აერთიანებს სპორტულ ფუნქციურობას, თანამედროვე დიზაინსა და კულტურულ გავლენებს.
Stella McCartney x adidas – პრემიუმ სპორტული და ეკომეგობრული კოლექციები, განსაკუთრებით ქალებისთვის.
Jeremy Scott x adidas Originals – თამამი და ექსტრავაგანტური დიზაინი.
Pharrell Williams x adidas – ფერადი და მრავალფეროვნებაზე დაფუძნებული კოლექციები.
Bad Bunny x adidas Originals – ლიმიტირებული ფეხსაცმელი და ტანსაცმელი.
Lionel Messi Collection – სპეციალური საფეხბურთო და სპორტული პროდუქცია.
Anthony Edwards Collection – კალათბურთის თანამედროვე ხაზი.
როცა adidas-ის ლოგოს დაინახავ, უკვე გეცოდინება:
სამი დახრილი ზოლი — Performance, სპორტისთვის.
სამფოთოლა Trefoil — Originals, ლეგენდარული კლასიკა.
ხოლო Sportswear — ყოველდღიური კომფორტისა და თანამედროვე სტილისთვის.
